Rumusan Doa Komunitas Adat Lio

Matheus Antonius Krivo

O…. DU’A LULU WULA NGGA’E WENA TANA

KAU RIA SA ULU ELA BEWA SA ELA META

KAU MAI NO JARA ANGI, KAU SULA NO LANDO LEJA

ULU DU EKO, RAI DU WENA;

MENA DU GHALE, GHETA DU LAU.

KELI WOLO, BHOKI BHOA, PU’U KAJU, AE, ULE AGE,

TOMBU TURE NAJA KAU, NAJA EO MI MENGE PUU DUA RAI RAKA LIMBA LETA,

ADA LAWA TEBO KAU, TEBO EO SARE DHIKA,

EO MAI NO JARA ANGI SULA NO LANDO LEJA.

KAMI WELU ESA TELU GHELE PU’U, KAMI TU MBOKO SUTU GHELE TUBU.

TAU OSO MASA RINA PIA,

WE’E KAMI MURI PAWE,

NGO SAI GEPA GENA,

TEDO TEMBU, WESA WELA,

GAGA BO’O, KEWI AE,

PENI NGE WESI NUWA,

UJA IWA DUNA LEJA IWA PATE

TEI ATE MO, TONDO ATE MOKO

PAKI SA WATI, SESA SA BENGA

SESA WEA PERE MBOLA LOA

TAU NDELU BESU PALA BHANDA.

 

DU’A LULU WULA, NGGAE WENA TANA.

SO NGGENGGE KAMI KOBE NO LEJA.

TEBO MAE RO, LO MAE BAJA, ILE MAE NGGEDHU.

BURU MAE SA PU, HAKA MAE SA BEGE.

EO RE’E LEKA TEBO KAMI, KETA NGGA ANGI SAI,

NU NO RUBU LELA NO ANGI,

TEBO JIE BAJA PAWE,

KIRA UMU DU BHUPU

NGE BHONDO DA GHARU-GHARU

BEKA KAPA DA GHEA-GHEA.

NIPA IWA MAPA JALA, KOKO IWA SO WOLO.

WE KAMI MBANA LEKA JALA EO MASA, LETA LEKA WOLO EO MOLO,

JALA SIA MESI BINA, SOBHE SULA, NANGU NAI.

NGGAE MULU KAMI RO NDU

NGGAE JEJO KAMI RO DHEKO

KAKA LONGGO MBANA SAMA.

 

DU’A LULU WULA, NGGAE WENA TANA,

PERA AJA KAMI NGAI SIA,

WE’E KAMI GARE TAME WA’E WEKI,

GARE ATA LELE, NA’U ATA NDU, BEKE ATA HE’E, WAKA ATA GA.

NGGIA ONE ATE WEE KAMI TULI NENA EO MOLO MASA

WEE ATA NGALA BASA TAU MBE’O MBEJA.

 

KAMI BOU MONDO, MERA BELA

TO’O LEI PO, BHAKA LEI MBEJA,

SA NUNU SA LEMA, BOKA NGERE HI BERE NGERE AE.

SU’U LEKA WUWU WANGGA LEKA WARA

POTO WOLO, RENGGI KELI

TOMBU TURE NAJA KAU DU’A LULU WULA NGGA’E WENA TANA DU LIMBA LETA. AMEN

  

KETERANGAN:

WELU ESA TELU GHELE PU’U: TIGA KEKUATAN PENGENDALI HIDUP YAITU ALLAH PENCIPTA, ALAM RAYA DAN LELUHUR.

MBOKO SUTU TU GHELE TUBU: ALLAH ADALAH PUSAT DARI EMPAT PENJURU MATA ANGIN.